?

Log in

No account? Create an account
 

--- 對話 --- - <※ 烈.女.講.異 ※>

About --- 對話 ---

Previous Entry --- 對話 --- Jul. 31st, 2004 @ 04:45 pm

男:「起身喇, 今日出黎喇.」
女:「唔好喇, 我好眼訓, 今朝先訓.」
男:「下?! 你攪咩黎? 做賊呀?」
女:「係呀, 你真係叻喇.」
男:「咁你偷左d咩?」
女:「底褲!」
男:「阿伯底褲? 仲要黃晒果d?」
女:「錯喇, 我只偷女人底褲.」
(男女同時說:「T-back!」, 接下是大家一起笑咯)
男:「我個電腦壞左丫.」
女:「下?!」
男:「咪係囉, 攪笑丫, 果日買左新芒返黎, 個fd幫我試d野, 而家部機死左囉.」
女:「下?! 試咩?」
男:「試部機快d囉, 我個fd又係攪笑, 佢拎左個200同80落黎, 但佢一試就試200, 點知就撞左喇.」
女:「白痴!」
男:「係囉, 佢又係攪笑, 我都有d唔明佢點解咁試丫, 不過佢係專家丫嘛, 佢話就算200唔得, 都應該無事.」
女:「白痴, 無事咪即係而家出左事咯, 哈哈.」
男:「唉, 而家好慘丫, 買左新芒返黎又死機, 又要去買.」
女:「而家自己砌都好平姐.」
男:「係咯, 所以想出去睇丫, 你快d起身出黎喇.」
女:「咩呀, 唔出喇, 好眼訓丫.」
男:「咩眼訓丫, 你而家都醒晒喇.」
女:「邊個話丫?」
男:「唔好喇, 出黎喇, 起身喇.」
女:「唔好喇, 放過我喇, 比我訓喇.」
男:「訓咩jack? 你都醒晒喇而家.」
女:「咩呀? 我隨時訓得著架, 你太睇小我喇.」
男:「唔係丫...(下刪男的讀白數句)」
(女真的唔再出聲扮訓)
男:「喂...咪扮野喇, 邊有得咁快又訓著丫?」
女:「邊個話無丫? 我而家咪得左囉.」
男:「咪玩我喇, 快d起身.」
女:「我求下你喇, 你放過我.」
男:「我求下你唔好求下我喇, 起身.」
(接下男女雙方各重覆又重覆地說相同的對白)
男:「唉呀, 難得一日放假丫, 唔出黎好慘架.」
女:「唔好諗住我會心軟.」
男:「咁係丫嘛.」
女:「係囉係囉.」
男:「咁出黎喇.」
女:「唔係丫, 我個電話cut左, 要留響屋企接電話丫.」
男:「哈哈哈哈, 你又避邊個丫?」
女:「無丫, 白痴.」
男:「叫『你朋友』喇, 叫佢幫你開返.」
女:「唔喇, 廢事煩丫.」
男:「哈哈, 唔係wor, 『你朋友』響果度做丫嘛, 叫佢開返咪得囉.」
(下刪2位爆笑對話幾十句, 當中最爆笑包括『你朋友』既留言)
女:「喂, 你搵其他friend出喇, 你d舊同學呢.」
男:「係wor, 佢地約我8號上大陸.」
女:「去揼骨丫?」
男:「應該係咯.」
女:「你個『豬扮人』朋友呢?」
男:「咩丫, 咪同佢傾緊電話囉.」
女:「我講緊『豬扮人兵團首領』丫.」
男:「首領咪就係你囉. 哈哈哈哈.」
女:「錯, 我係頭目, 唔係首領.」
男:「有咩分別?」
女:「我覺得頭目岩我d, 我鍾意.」
男:「咪又係一樣, 都係話事果個.」
女:「錯喇, 首領似果陣d乜玫瑰對乜玫瑰果d大惡角.」
男:「咁頭目都似喇, 而且仲似d二打六角色, 果d乜乜小隊既阿大都好似叫頭目.」
女:「係咩?! 仲好丫, 我就係鍾意低調d, 你知格.」
男:「是但你喇, 你鐘意.」
女:「嗯, 所以我係『豬扮人兵團既頭目』.」
男:「哈哈, 乜都一樣喇, 總之都係『豬扮人』.」
女:「你錯喇, 我表面上係豬扮人兵團既頭目, 實際上我係『豬扮人跨國企業集團既行政總裁』.」
男:「哈哈哈哈...」
女:「喂, 你想做d咩? 咩職位都得架, 比你揀.」
男:「唔駛喇, 應該無職位岩我.」
女:「唔係丫, 比個『喂喂喂』你做丫.」
男:「咩黎?」
女:「咪即係接線生囉, 哈哈哈, 只係負責講『喂喂喂, 有咩幫到你?』.」
男:「咁用錄音都得喇.」
女:「唔係, 真人發聲好d, 而且仲識比反應丫嘛.」
(唔知點解, 話題一轉又講到去「豬扮人兵團」, 一講e樣野, 就會...)
女:「喂, 我突然諗到d野.」
男:「乜?」
女:「阿董伯伯個樣都幾似隻豬, 眼又"懵"面又脹, 有2舊肉, 如果加對豬耳同埋個豬鼻, 就正晒.」
男:「哈哈, 係丫係丫, 你鍾意喇.」
女:「喂, 我想用佢個樣整一個『大懵豬勳章』.」
男:「哈哈哈, 『大蠢豬勳章』.」
女:「係丫係丫, 『大懵豬勳章』之後就到『大蠢豬勳章』.」
男:「係丫, 果d乜勳章都係分幾級.」
女:「喂, 我又突然諗到d野.」
男:「乜? 講喇.」
女:「唔知點解, 我突然諗到個『乳豬全體勳章』, 仲有『金豬仔勳章』, 『銀豬仔勳章』咁囉.」
男:「哈哈哈哈...」
女:「唔知wor, 不過我真係好鍾意果個『乳豬全體勳章』丫, 如果再將佢分開金、銀、銅就好喇.」
男:「人地無咁多架, 係嘛?」
女:「唔知丫, 不過可以好似人地去飲果d咁, 有d咪對眼識著燈既, 有d就用2粒車厘子, 有d就比返對死豬眼你, 咁樣我地咪分到金、銀、銅囉.」
男:「又係得wor. 不過好似真係無銅架.」
女:「係咩係咩?! 哦, 唔緊要喇. 而且我仲諗到『乳豬全體勳章』係頒比一堆人既, 即係一個團體獎咁囉, 係咪得先?」
男:「喂, 咁你仲唔快d諗埋個設計?」
女:「諗左架喇, 『大懵豬勳章』用董伯伯果樣嘛, 『乳豬全體勳章』就好似人地去飲咁, 設計到將隻豬擋開"扒"響度, 對眼就鑲d鑽石比佢囉, 係咪掂先? 之後『金豬仔勳章』, 『銀豬仔勳章』咪就真係整隻豬仔出黎囉, 分開用金同用銀, 攪掂! 至於『大蠢豬勳章』就用你個樣囉, 得左!」
男:「你個唔係好d咩?」
女:「你好d!」
男:「喂...你而家都真係醒晒喇係嘛, 諗到咁多野, 痴架.」
(話峰一轉, 又回到「起身喇醒晒喇」之類既對白)
女:「唉...唔係丫, 又眼訓喇, 哈哈」
男:「咪玩喇, 笑到咁仲諗到咁多野, 仲未醒?」
女:「未架, 諗野都可以訓覺架.」
男:「起身喇.」
女:「喂, 咪住, 話時話, 我死都唔出, 你都吹我唔脤喇, 唔通你黎捉我出咩.」
男:「係架, 你可以咁諗架.」
女:「妖, 係囉, 真係白痴.」
男:「係架, 係白痴架.」
(之後, 更白痴既對白又出現了, 唔知點解...)
女:「咁我收埋自己咪得囉, 你都搵我唔到.」
男:「我黎到你屋企, 周圍潑d面粉丫, 粟粉丫果d, 你咪現形囉.」
女:「咁又唔一定.」
男:「點解呀? 一d粉你就現形喇.」
女:「白痴, 邊個話架? 我痴響天花板, 你點知丫, d粉都痴唔到我.」
男:「話明周圍潑丫, 痴響天花板都睇到喇.」
女:「係架咩?!」
男:「咁用油漆囉, 好似neway個廣告咁.」
女:「係得wor, 不過用牆紙喇, 順便幫我痴丫嘛.」
男:「點痴丫?」
(於是又開始了另一個白痴話題, 由女方介紹如何痴牆紙)
女:「『直立式直昇機逆時針自轉痴牆法』.」
男:「果名一d都唔型wor.」
女:「明就得喇.」
男:「咁我要介紹比黃玉郎知先得, 因為e d動作阿步驚雲先做到.」
女:「好丫, 叫佢練下.」
男:「喂, 你都真係醒晒啦下嘛, 邊有可能諗到咁多野都未醒丫?」
女:「係呢, 係未醒丫, 我訓得2個鐘咋.」
男:「唉, 好喇, 比你訓多陣, 我2分鐘後再打比你.」
女:「妖, 玩電話丫!」
男:「咩丫, 打黎出聲果d邊係玩電話丫, 打黎唔出聲果d先係玩電話丫.」
女:「e, 又係wor.」
男:「咪就係囉, 而且係你自己話你今日要響屋企接電話丫嘛, 而家咪打黎比你接, 咁先做到你想做既野嘛.」
女:「e, 又係wor.」
男:「好, 咁比2分鐘你喇.」
女:「唔好喇, 放過我.」
(如是者, 又再糾纏於起身同訓覺, 放過我同求下你)
男:「唉, 好喇, 比一個鐘你喇.」
女:「唔理喇, 要講bye bye, 唔係死架喇.」
男:「哈哈哈哈, 晏d再比你下, 記得要接電話.」
... ...
... ...

Current Mood: crazycrazy
Leave a comment
Top of Page Powered by LiveJournal.com